شسوي لو نسى قلبك شـوق و عشـرة احبابـك

شسـوي لـو تعـب حالـي ولــو طـولـت بغيـابـك
ومليـت الصبـر واصـبـح كثـيـر الـهـم يكويـنـي

شسوي لو صرخت ارجع أبيك وصوتي ماجابك
ولا هـزت احاسيـسـك دمــوع ٍ تـجـري بعيـنـي

شسوي لو نسى قلبك شـوق و عشـرة احبابـك
وحضـن ٍ يبكـي ويصـرخ تعـال أرجـوك دفيـنـي

ولـو روحـي تسافـر عنـدك وتبكـي علـى بـابـك
تبـيـك تـحـن لايــام الـوصـل مابـيـنـك وبـيـنـي

تقـول افتـح أنـا روح الـذي تعـذب مـن أسبابـك
تقـول ارجـوك ارحمنـي تـرى مافيـنـي يكفيـنـي

أكيد انـي بمـوت بحسرتـي و غيـري يتهنـا بـك
وساعتهـا مـثـل ماتـطـوي القـرطـاس تطويـنـي

ياخـوفـي لا أكــون أنــا مـجـرد كلـمـه فكـتـابـك
ولـمـا تـلاقـي قـلــوب بـديـلـه تـقــوم تمحـيـنـي

وتنسـى انـي أحبـك ياحبيبـي مـوت واحيـا بــك
وانـك عـايـش فيـنـي وتـسـري فــي شراييـنـي

أبتـرجـاك تتخـيـل لــو الـلـي صـابـنـي صـابــك
وشوقـك صـار نـيـران ٍ وكــل مافـيـك يناديـنـي

تخيـل لـو بقـى لحظـه ويصـيـر غـطـاك تـرابـك
ولا تطلـب سـوى لحـظـه تمـتـع نـاظـرك فيـنـي

وفـجـأه تكتـشـف انــي نسيـتـك واتسـلـى بـــك
وأمــر مـوادعـك هـيـن وكـنـت تظـنـه يعنيـنـي

ساعـتـهـا بـتـحـس بدمـعـتـي مـابـيـن أهـدابــك
وتـحــس بلـوعـتـي لـمــا رجـيـتـك لاتخـلـيـنـي

تظـن انــك بـعـد مابعتـنـي و تـرجـع أبرضـابـك
حشـى ماعـود أناللـي تجاهلنـي و رخـص فينـي

يبيلـك منـهـو يتحـمـل جـفـاك وقـسـوة غيـابـك
وانا مابي سـوى خـل ٍ يجينـي و دوم شاريننـي